இஸ்ரேல் நாட்டின்
வெளிநாட்டு விவகாரத்துறை அமைச்சகம் அந்நாட்டின் சிறந்த கல்வி அனுபவத்தை பெற
விரும்பும் இந்திய மாணவர்களுக்கு உதவித்தொகை வழங்குகிறது.
யார் விண்ணப்பிக்கலாம்?:
எம்.ஏ., பிஎச்.டி.,
சர்வதேச படிப்புகள், சிறப்பு படிப்புகள் ஆகியவற்றில் ஏதேனும் ஒன்றிற்காக
அக்டோபர் முதல் ஜூன் மாதம் வரையிலான 8 மாத கால முழு கல்வி ஆண்டிற்கான
படிப்பு அல்லது ஹிப்ரூ / அரபிக் மொழிக்கான 3 மாதகால கோடைகால படிப்பு
ஆகியவற்றிகாக இந்த உதவித்தொகைக்கு விண்ணப்பிக்கலாம்.
உதவித்தொகை விபரம்:
8
மாதகால படிப்பிற்கு தேர்ந்தெடுக்கப்படும் மாணவர்களுக்கு
கல்விக்கட்டணத்தில் 50 சதவீதம் வரை உதவித்தொகை வழங்கப்படும். எனினும்,
அதிகபட்சமாக 6 ஆயிரம் டாலர் வரை மட்டுமே வழங்கப்படும். இவைதவிர, படிப்பு
காலத்தில் மாத செலவினங்களுக்கு நிதி வழங்கப்படுதோடு, அடிப்படை மருத்துவ
காப்பீடும் உண்டு.
கோடைகால படிப்பிற்கு தேர்வு செய்யப்படும்
மாணவர்களுக்கு முழு கல்விக்கட்டணம், தங்குமிட வசதி, 3 வார கால
செலவினங்களுக்கான நிதி மற்றும் அடிப்படை மருத்துவ காப்பீடு
வழங்கப்படுகிறது.
தகுதிகள்:
பி.ஏ., அல்லது பி.எஸ்சி., அல்லது
அவற்றை விட உயர்ந்த படிப்பில் சிறந்த மதிப்பெண் பெற்றிருக்க வேண்டும்.
வரும் கல்வி ஆண்டு துவங்கும் தருணத்தில், 35 வயது மிகாதவராக இருத்தல்
வேண்டும்.
விண்ணப்பிக்கும் முறை:
கல்வி சான்றிதழ்கள், டோபல்,
ஜி.ஆர்.இ., ஐ.இ.எல்.டி.எஸ்., மற்றும் ஜிமேட் ஆகியவற்றில் தேவையான தேர்வு
சான்றிதழ், சுயவிபரக் குறிப்பு, புகைப்படங்கள் உட்பட தேவையான இதர
சான்றுகளின் மூன்று நகல்களுடன் இஸ்ரேல் தூதரகம் வாயிலாக விண்ணப்பிக்க
வேண்டும்.
விபரங்களுக்கு: https://www.gov.il/en/service/scholarships_application_for_academic_studies_in_israel மற்றும் https://www.education.gov.in/en