சி.இ.இ.ஆர்.ஐ. என்று சுருக்கமாக அழைக்கப்படும் இந்த ஆராய்ச்சி நிறுவனம், கடந்த 1953, செப்டம்பர் 21 -இல் ராஜஸ்தான் மாநிலம் பிலானியில் ஏற்படுத்தப்பட்டது. இதுவும் சி.எஸ்.ஆர்.ஐ. அமைப்பின்கீழ் வருகிறது. இதன் தலைமையகம் பிலானியில் இருந்தாலும், மண்டல அலுவலகம் சென்னையிலும் இருக்கிறது. இந்நிறுவனம்,

* மேம்பட்ட சென்சார் தொழில்நுட்பம்

* ப்ராசஸ் கண்ட்ரோல் இன்ஸ்ட்ரூமென்டேஷன் & ஆட்டோமேஷன்

* மெஷின் விஷன் தொழில்நுட்பங்கள்

போன்ற முக்கிய துறைகளில் ஆராய்ச்சி பணிகளில் ஈடுபட்டுள்ளது.

எலக்ட்ரோ ஆப்டிகல் சிஸ்டத்தின் மேம்பாட்டிற்காக, சிறந்த வசதியுள்ள ஆப்டிக்ஸ் ஆய்வகம் உள்ளது. மேலும் டி.எஸ்.பி. மற்றும் எப்.பி.ஜி.ஏ. ஆய்வகம் மற்றும் எலக்ட்ரானிக்ஸ் சிஸ்டம்ஸ் ஹார்டுவேர் & பர்ம்வேர் மேம்பாட்டிற்காக விரைவான ப்ரோடோடைபிங் சூழல் போன்றவை இருக்கின்றன. மேலும் உயர்தர சி.சி.டி. கேமராக்கள் & வேலைநிலையங்கள் போன்றவை உள்ளன. இதைத்தவிர, ஆராய்ச்சி & மேம்பாட்டு பணிகளின் தேவைக்காக சிறந்த வொர்க்ஷாப், சி.ஏ.டி. & டிராப்டிங் வசதிகள் போன்றவை உள்ளன.

பலதரப்பட்ட தொழிற்சாலைகள்(காகிதம், உணவு பதப்படுத்தல், பிளாஸ்டிக், தோல், சர்க்கரை, ரசாயனம் உள்ளிட்ட) மற்றும் கல்வி நிறுவனங்களுக்கு சி.இ.இ.ஆர்.ஐ., பலவிதமான சேவைகளை செய்கிறது. அவற்றுள் முக்கியமானவை,

* ஒப்பந்த ஆராய்ச்சி & மேம்பாடு

* ஆலோசனை

* தொழில்நுட்ப சேவைகள்

* பயிற்சி

போன்றவைகளாகும்.

மேலும் மேற்கண்ட வகையிலான தொழிற்சாலைகளுக்கு, தொழில்நுட்பங்களை வழங்குவதோடு, அந்த குறிப்பிட்ட துறைகளில் ஆழமான ஆராய்ச்சிகளிலும் ஈடுபடுகிறது.

இந்திய ப்ராசஸ் தொழிற்சாலைகளின் ஆட்டோமேஷனுக்காக, உள்நாட்டு தொழில்நுட்பங்களை மேம்படுத்தும் பணியில் சென்னை மையம் ஒரு முன்னோடி கேந்திரமாக திகழ்கிறது. இந்த மையம் 1974 ஆம் ஆண்டு ஆரம்பிக்கப்பட்டது மற்றும் 1979 -இல் முழுஅளவிலான ஆராய்ச்சி மற்றும் மேம்பாட்டு மையமாக மாறியது. சமூகப் பயன்பாட்டிற்காக மெஷின் விஷன் சிஸ்டம் மேம்பாட்டில் தன்னை ஈடுபடுத்திக்கொண்டுள்ளது.

இளநிலை பொறியியல், முதுநிலை படிப்பு மற்றும் பி.எச்டி. ஆய்வு செய்யும் பல கல்வி நிறுவனங்களை சேர்ந்த மாணவர்களுக்காக , குறுகியகால பிராஜெக்டுகள், ஆய்வு கட்டுரைகள் போன்றவைகளை செய்யும் வாய்ப்புகளை இந்த நிறுவனம் வழங்குகிறது.

இதைப்பற்றிய மேலும் விவரங்களுக்கு, sic@ceerichennai.org என்ற வலைதளத்திற்கு செல்லவும்.

புரிந்துணர்வு ஒப்பந்தம்:

சென்னையிலுள்ள சி.இ.இ.ஆர்.ஐ. மண்டல மையத்தின் மூலமாக, அண்ணா பல்கலைக்கழகத்திற்கும்(சென்னை தொழில்நுட்பக் கழகம்), பிலானியிலுள்ள தலைமை நிறுவனத்திற்கும் இடையே கடந்த 2008 -இல் ஒரு புரிந்துணர்வு ஒப்பந்தம் கையெழுத்தானது. இதன்மூலம் தொழில்நுட்ப ஆய்வு மற்றும் ஒத்துழைப்பில் இரு நிறுவனங்களும் இணைந்து செயல்படும்.