இன்ஜினியரிங் படிப்புகளில் ஒன்றான உற்பத்தி பொறியியல், வாடிக்கையாளர்களின் திருப்திக்கேற்ப பொருட்களை தரமானவையாக உற்பத்தி செய்தல், குறிப்பிட்ட காலத்துக்குள் தருதல் போன்றவற்றில் மாணவர்களுக்கு பயிற்சியளிக்கிறது. இந்த படிப்பு பல்வேறு துறைகளுடன் தொடர்புடையது. இன்டஸ்டிரியல் இன்ஜினியரிங், மேனுபேக்சரிங் இன்ஜினியரிங், உற்பத்தி பொருள் வடிவமைப்பு, மார்கெட்டிங், நிதி மற்றும் கார்பரேட் பிளானிங் போன்ற துறை சார்ந்த பயிற்சிகளும் இந்தி படிப்பின் மூலம் மாணவர்களுக்கு அளிக்கப்படுகிறது. பொருட்களை உற்பத்தி செய்யும் பணிகளில் மேம்பாடடைவதற்கு உற்பத்தி பொறியியல் மிகவும் பயன்படுகிறது.
நான்கு ஆண்டுப் படிப்பு இது. இதே துறையில் முதுநிலைப் படிப்புகளைப் படிக்க வாய்ப்புகள் உள்ளன.
சான்ட்விச் பாட முறையில் படிக்கும் மாணவர்கள் தங்களது படிப்புக் காலத்தில் தொழில் நிறுவனங்களில் நேரடி பயிற்சி பெறுவார்கள்.